Axborot resurs markazi

Axborot-resurs markazi haqida ma’lumot.

Termiz davlat universiteti Axborot-resurs markazi binosi 2013 yil dekabr oyida ishga tushirilgan.

Axborot-resurs markazi maydoni haqida ma’lumot

Bino to‘liq zamonaviy talablarga javob beradigan darajada qurilgan, 3-qavatdan iborat bo‘lib, podval qismi xam mavjud. Xar bir qavatda o‘quv zallari va axborot texnologiyalari xonalari joylashgan. Darslik va o‘quv adabiyotlar fakultetlar kesimida kitob javonlariga joylashtirilgan. O‘quv zallarning kitob fondi kompyuterlarga elektron katalog shaklida joylashtirilgan. Bir vaqtni o‘zida ARM 565 ta kitobxonga xizmat ko‘rsatish imkoniyatiga ega. Har bir qavatda kitobxonlar uchun Wi-Fi zonalari tashkil etilgan.

Axborot-resurs markaziga professor-o‘qituvchilarning va talabalarning qatnovi oylik monitoringi muntazam ravishda olib boriladi. Bugungi kunda markazga jami 650 ta professor-o‘qituvchilar, 20560 ta talabalar a’zo qilingan. Bundan tashqari ARM boshqa OTM talabalari, kollej o‘qituvchi, talabalariga va aholiga xizmat ko‘rsatadi. O‘quv zallarida kechki navbatchilik tashkil etilgan.

Axborot – resurs markazida xodimlari haqida ma’lumot.

Markaz xodimlari haqidagi ma’lumot ilova qilinmoqda.

Axborot-resurs markazi fondi to‘g’risida ma’lumot

Markazda 5ta Axborot-texnologiyalari xonalari faoliyat yuritadi. Ulardagi barcha kompyuterlar internet tarmog’iga ulangan. Markazda 152 kompyuter, 8 dona printer, 1 dona elektron tablo, 4 dona elektron doska, 4 dona yig‘ma elektron doska mavjud.

Shuningdek universitetning Tabiiy fanlar, Arxitektura va qurilish, San’atshunoslik fakultetlarida ARM filiallari faoliyat yuritib kelmoqda. Ularning har birida 2 tadan xodim ish olib boradi. Kompyuter xonalari tashkil etilgan, internet tarmog’iga ulangan. Yo‘nalishlari bo‘yicha adabiyotlar bilan ta’minlangan va elektron bazasi shakllantirilgan. Filiallarda 30 o‘rindiqqa ega bo‘lgan o‘quv zallari mavjud bo‘lib, kompyuterlar internet tarmog’iga ulangan, elektron kutubxonaga a’zo bo‘lgan kitobxonlarga axborot almashuvi bo‘yicha barcha sharoit va imkoniyatlar yaratilgan. Qo‘shimcha vositalar bilan ulanish hamda tezkor axborot almashinuvi uchun Wi-Fi zonasi mavjud.

Universitet bo‘yicha 6ta talabalar turar joyi ishlab kelmoqda. Yotoqxonalarda kutubxonalar tashkil etilgan, yo‘nalishlar bo‘yicha kitob fondi joylashtirilgan, bittadan ARM xodimi biriktirilgan, kutubxonalar kechki navbatchilik ish tartibi bilan ishlab kelmoqda. Axborot-texnologiyalari xonalari tashkil etilgan, barcha kompyuterlari internet tarmog’iga ulangan, ARM elektron bazasi shakllantirilgan.

Axborot-resurs markazi fondiga sotib olingan adabiyotlar.

2019-2021 o‘quv yilida universitet professor-o‘qituvchilari tomonidan yaratilgan adabiyotlar.

Barchasini elektron versiyalari yaratilib, elektron kutubxona fondiga joylashtirilgan.

Axborot-resurs markazidagi obuna to‘g’risida ma’lumot.

Professor-o‘qituvchilar, mustaqil tadqiqotchilar va magistrantlar faoliyat yuritish uchun 203 axborot texnologiyalari xonasi tashkil etilgan. Muntazam ravishda qatnov monitoringi olib boriladi.

Imkoniyati cheklangan talabalarga qulaylik yaratish maqsadida, Axborot-resurs markazida maxsus kirish yo‘li (pandus) mavjud, 1chi qavatda 106- axborot texnologiyalari xonalari ajratilgan va jihozlangan. Audio kitoblarning bazasi to‘liq shakllantirilgan va kompyuterlarga joylashtirilgan.

Axborot- resurs markazida Internet tezligi 100 Mbpsni tashkil etadi, muntazam ravishda ishlashi nazorat qilinib boriladi. Barcha elektron bazadagi adabiyotlar yo‘nalishlar bo‘yicha joylashtirilgan va kitobxonlar uchun lib.tersu.uz/sayt orqali foydalanish imkoniyati mavjud.

Bugungi kunda Axborot-resurs markazi elektron kutubxona fondi 32354 donani tashkil etadi. Barcha adabiyotlar yo‘nalishlar bo‘yicha joylashtirilgan. Elektron katalogdagi Badiiy adabiyotlarimizning umumiy soni 25252 donani tashkil etadi, shuningdek Prezidentimiz Sh.M. Mirziyoev asarlari 15, Ma’naviy ma’rifiy adabiyotlar 3202, Ma’ruza matnlari 573, Monografiya 78, universiteti professor-o‘qituvchilari muallifligidagi kitoblar 107, video darsliklar 297 dona.

Termiz davlat universiteti barcha yo‘nalish bo‘yicha faoliyat yuritib kelayotgan professor-o‘qituvchilar bilan hamkorlikda Arxitektura va qurilish fakulteti bo‘yicha 1143 nomda, Fizika-matematika fakulteti bo‘yicha 1215 nomda, Iqtisodiyot va turizm fakulteti bo‘yicha 798 nomda, Jismoniy madaniyat fakulteti bo‘yicha 328 nomda, Kimyo fakulteti bo‘yicha 1867 nomda, Maktabgacha ta’lim fakulteti bo‘yicha 268 nomda, Pedagogika fakulteti bo‘yicha 709 nomda, Rus filologiyasi fakulteti bo‘yicha 276 nomda, San’atshunoslik fakulteti bo‘yicha 355 nomda, Tarix fakulteti bo‘yicha 2444 nomda, Tabiiy fanlar fakulteti bo‘yicha 1473 nomda Xorijiy filologiya fakulteti bo‘yicha 972 nomda, Yuridik fakulteti bo‘yicha 765 nomda, O‘zbek filologiyasi fakulteti bo‘yicha 1925 nomda, Axborot-texnologiyalari fakulteti bo‘yicha 131 nomda, Milliy xunarmandchilik fakulteti bo‘yicha 109 nomda namunaviy dasturdagi adabiyotlarni elektron bazasi shakllantirildi. Yo‘nalishlar kesimida xorijiy adabiyotlar soni 1040 donadan iborat.

Talabalarga masofaviy ta’lim olishda qulayliklar yaratish maqsadida 26 mingdan ortiq adabiyotlar universitet rasmiy saytiga joylashtirilgan. Axborot-resurs markazida bir necha xalqaro bazalardan foydalanish imkoniyati mavjud. ProQuest to‘liq matnli xalqaro dissertatsiya va diplom ishlari bo‘yicha bazasidan Axborot-resurs markazi elektron kutubxonasiga 1737 dona turli yo‘nalishlar bo‘yicha dissertatsiyalar yuklab olingan. Axborot-resurs markazida yetakchi jahon nashriyotlardagi ilmiy resurslarining yirik ta’minotchisi hisoblangan EBSCO, SCOPUS kompaniyalari saytlaridan kitobxonlar doimiy ravishda foydalanib kelmoqda, hozirda EBSCO ushbu saytdan 136 dona, SCOPUS 250 donadan ortiqroq maqolalar yuklab olingan. Kelasi o‘quv yili uchun “EBSCO HOST” jahonning ilg’or to‘liq matnli elektron ma’lumotlar bazasidan foydalanish uchun shartnoma imzolandi.

2021-2022 yilda o‘qitiladigan fan dasturlarini yangilanishi sababli zarur adabiyotlar ro‘yxati shakllantirilib tasdiqlandi va xarid qilish ishlari amalga oshirilmoqda.