Termiz davlat universitetiga tashrifi doirasida viloyat hokimi Ulug‘bek Qosimov oliygoh hududidagi sport inshootlari va ularda yaratilgan shart-sharoitlar bilan tanishdi. Ta’lim maskanida zamonaviy talablarga javob beradigan sport bazasi shakllantirilgan bo‘lib, yoshlar uchun sportning turli yo‘nalishlarida mashg‘ulotlar o‘tkazish imkoniyatlari yaratilgan.
Viloyat rahbari va universitet rektori sport maydonlari bilan tanishuvdan so‘ng, sportchi talabalar bilan samimiy muloqot o‘tkazdi. Suhbat davomida yoshlarning sport bilan muntazam shug‘ullanishi, yaratilgan imkoniyatlardan samarali foydalanishi hamda xalqaro, Olimpiya va Paralimpiya musobaqalariga puxta tayyorgarlik ko‘rish bo‘yicha tavsiyalar berildi.
Shundan so‘ng, viloyat hokimi universitet oshxonasi faoliyati va sanitariya-gigiyena sharoitlarini ko‘zdan kechirdi. Talabalar bilan birga tushlik qilib, ularning o‘qish va turmush sharoiti, kelgusi rejalari haqida samimiy suhbatlashdi hamda o‘qishda faollik tiladi.
