O'zbekiston Respublikasi Davlat Bayrog'i

O'zbekiston Respublikasi Davlat Bayrog'i

“O’zbekiston Respublikasi Davlat bayrog’i to’g’risida”gi qonun 1991 yil 18-noyabrda O’zbekiston Respublikasi Oliy Kengashining navbatdan tashqari o’tkazilgan VII sessiyasida qabul qilingan. Davlat bayrog’i va uning ramzi bugungi O’zbekiston sarhadida qadimda mavjud bo’lgan davlatlar bilan tarixan bog’liqligini anglatadi hamda respublikaning milliy-madaniy an’analarini o’zida mujassamlashtiradi. Bayroqdagi moviy rang tiriklik mazmuni aks etgan mangu osmon va obihayot ramzi. Timsollar tilida bu – yaxshilikni, donishmandlikni, halollikni, shon-shuhrat va sadoqatni bildiradi. Binobarin, Amir Temur davlati bayrog’ining rangi ham moviy rangda edi. Bayroqdagi oq rang – muqaddas tinchlik ramzi bo’lib, u kun charog’onligi va koinot yoritkichlari bilan uyg’unlashib ketadi. Oq rang – poklik, beg’uborlik, soflikni, orzu va hayollar tozaligi, ichki go’zallikka intilishning timsoli. Yashil rang – tabiatning yangilanish ramzi. U ko’pgina xalqlarda navqironlik, umid va shodumonlik timsoli hisoblanadi. Qizil chiziqlar – vujudimizda jo’shib oqayotgan hayotiy qudrat irmoqlarini anglatadi. Navqiron yarim oy tasviri bizning tarixiy an’analarimiz bilan bog’liq. Ayni paytda u qo’lga kiritilgan mustaqilligimiz ramzi ham. Yulduzlar barcha uchun ruhoniy, ilohiy timsol sanalgan. O’zbekiston Respublikasi Davlat bayrog’idagi 12 yulduz tasviri ham tarixiy an’analarimiz, qadimgi yilnomamizga bevosita aloqador. Bizning o’n ikki yulduzga bo’lgan e’tiborimiz O’zbekiston sarhadidagi qadimgi davlatlar ilmiy tafakkurida nujum ilmi taraqqiy etganligi bilan ham izohlanadi. Davlat bayrog’imizdagi 12 yulduz tasvirini o’zbek xalqi madaniyatining qadimiyligi, uning komillikka, o’z tuprog’ida saodatga intilishi ramzi sifatida tushunish lozim.

Foydali Havolalar

Yangiliklar

Namangan viloyatida sohil kurash bo‘yicha erkaklar va ayollar o‘rtasida O‘zbekiston chempionati bo‘lib o‘tdi.

  • 2023-06-09
  • 23

Unda Termiz davlat universiteti Sport faoliyati kurash yo‘nalishi talabalari faol ishtirok etib, ayollar o'rtasida Xojar Shapoatova 63kg vaznda 1-o‘rin, Mohinur Choriyeva 52kg hamda Yulduz Ustoyeva 70 kg vazn bilan 2-o‘rinni

Batafsil

KITOBLAR YARMARKASI

  • 2023-06-08
  • 19

Amalga oshirilayotgan maʼnaviy-maʼrifiy izchil islohotlar jarayonida yurtimizda kitobxonlik madaniyatini rivojlantirishga alohida eʼtibor qaratilmoqda. Bu yoshlarda kitobga bo’lgan qiziqishni oshirish, ularni kitobga oshno etish va ko‘proq

Batafsil

Qutlov

  • 2023-06-07
  • 114

Falsafa doktori (PhD) ilmiy darajasini olish uchun yozilgan dissertatsiya ishi muvaffaqiyatli himoya qilindi. Termiz davlat universiteti Jahon tarixi kafedrasi o'qituvchisi Dulanov Otabek Yuldashevichni Termiz davlat universiteti

Batafsil