Davlatimiz rahbarining kurash milliy sport turini rivojlantirish va ommalashtirishni yangi bosqichga olib chiqishga qaratilgan qarorlari ijrosi doirasida mamlakatimiz miqyosida davlat organlari, muassasalar va tashkilotlar xodimlari o‘rtasida kurash bo‘yicha “O‘zbek polvoni” Respublika turniri tashkil etilmoqda.
E’tiborlisi, ushbu nufuzli bellashuvda Termiz davlat universiteti professor-o‘qituvchilaridan iborat jamoa ham to‘g‘ridan to‘g‘ri ishtirok etish imkoniyatiga ega bo‘ldi!
📅 Ertaga, TerDU kurash majmuasida saralash bosqichi bo‘lib o‘tadi.
🟢Qadrli ustozlar, sizlarni alplar maydonidagi kurash bayramida faol ishtirok etishga, har jabhadagi ibratingizni sport maydonida ham namoyon etishga chorlaymiz!
➡️ Qo‘shimcha ma’lumot uchun Sport faoliyati fakulteti va Sport klubi a’zolariga murojaat qilishingiz mumkin.
