Boshlang'ich ta'lim kafedrasi

Kafedra faoliyati haqida ma’lumot:

Boshlang‘ich ta’lim kafedrasida jami 34 nafar professor-o‘qituvchilar faoliyat ko‘rsatib, shundan 27 nafar professor-o‘qituvchi asosiy shtatda, 5 nafari esa ichki o‘rindoshlik, 2 nafari tashqi o‘rindoshlik asosida faoliyat ko‘rsatadi.

Professor-o‘qituvchilar tarkibidan 6 nafar fan nomzodi shulardan 1 nafari fan doktori, 3 nafar dotsent 2 nafari f.f.n PhD, 4 nafar katta o‘qituvchilar, 17 nafar ilmiy daraja va unvonga ega bo‘lmagan o‘qituvchilar kafedrada faoliyat ko‘rsatishmoqda.

Kafedra mudiri b.f.n., dotsent Kadirova Dilbar Normuminovna 2019 yil 7 sentaybrdan kafedra mudiri lavozimida ishlab kelmoqda.

Joriy o‘quv yili uchun kafedra o‘quv yuklamasi 33340.9 soatni tashkil etadi.

Boshlang‘ich ta’lim kafedraning ilmiy salohiyati - 22.22 % ni tashkil qiladi.

Hozirgi kunda kafedraning barcha prof-o‘qituvchilari ilmiy-tadqiqot ishlari bilan shug‘ullanmoqdalar.

Jumladan, kafedra qoshida faoliyat yuritayotgan “Yosh muallim” va “Yosh ijodkorlar” kabi o‘quv va ilmiy to‘garaklari yo‘lga qo‘yilgan bo‘lib ijodkor va iqtidorli talaba yoshlarning ijodiy ishlarini shakllantirish va gazeta-jurnallarga tavsiya etish ishlari doimiy yo‘lga qo‘yilgan va ular bilan maqolalar chop etilib kelinmoqda. Hozirgi kunda kafedrada iqtidorli talabalar bilan ishlash rejasi tuzilgan, darsdan keyin iqtidorli talabalar bilan qo‘shimcha dars kafedra professor o‘qituvchilari tomonidan o‘tilmoqda. Kafedra professor-o‘qituvchilari umum ta’lim maktablari, akademik litsey bilan hamkorlik ishlarini amalga oshirishdi. Shuningdek ta’lim muassasalari va ishlab chiqarish korxonalari bilan pedagogik amaliyotni yo‘lga qo‘yish bo‘yicha hamkorlik shartnomalari tuzilgan bo‘lsada ammo tumanlar kesimida pedagogik amaliyotni nazorat qilish, ularga uslubiy ko‘rsatma berish imkoni qiyin kechmoqda.

Kafedradagi xujjatlar yig‘ma jildlari o‘rganilganda, kafedrada fakultet dekanati bilan hamkorlikda talabalar o‘rtasida ma’naviy-ma’rifiy, ta’lim-tarbiya ishlarining samaradorligini oshirish, talabalarni vatanparvarlik ruhida tarbiyalash, milliy istiqlol g‘oyalariga sadoqat, milliy va umumbashariy qadriyatlarga hurmat tuyg‘ularini shakllantirish, ularda yuksak insoniy fazilatlarni, ona Vatanimiz va halqimizga sadoqat ruhini singdirish, shuningdek, “Ustoz-shogird” tizimini yanada takomillashtirish borasida tegishli tadbirlar amalga oshirilgan

Kafedra tarixi :

Kafedra 1988-1989 o‘quv yilining 1 sentyabrida “O‘zbek tilshunosligi va adabiyotshunosligi” kafedrasi negizida tashkil topdi.

· Pedagogika fakultetida “Tillar va nutq madaniyati” kafedrasi deb nomlandi.

· 2000 yildan boshlab kafedra “Boshlang‘ich ta’lim va lotin yozuvi” deb atalgan.

· 1988-2005 yillarda kafedrani f.n., prof. S.Raximov boshqardi.

· 2005-2010 yillar mobaynida kafedra “Boshlang‘ich ta’lim” deb nomlangan.

· 2010 yilda kafedralarni yiriklashtirish maqsadida “Boshlang‘ich ta’lim“ va ”Maktabgacha ta’lim” kafedralari birlashtirilib, “Maktabgacha tarbiya va boshlang‘ich ta’lim” deb yuritila boshladi.

· 2005 yildan 2011 yilning avgustiga qadar kafedrani f.f.n., dots.R.B.Mustafaqulov boshqardi.

· 2011 yil 28 avgustdan buyon mudir vazifasini bajaruvchi lavozimida p.f.n.,dots. O.Norbosheva faoliyat yuritdi.

· 2013 yil 26 avgustdan buyon kafedra mudiri vazifasini bajaruvchisi, 2018 yil 17 yanvardan kafedra mudiri lavozimida dots.X.Norbo‘tayev faoliyat yuritdi.

· 2019 yil 7 sentabrdan buyon kafedra mudiri vazifasini bajaruvchisi f.n. D.N.Kadirova faoliyat yuritmoqda.

Kafedraning o‘rtacha yoshi 42 yosh, kafedrada o‘qitiladigan fanlar soni – 13 ta, jumladan 5 tasi tanlov fanlaridan iborat.

O‘quv yili davrida kafedrada 27 nafar professor-o‘qituvchilar faoliyat yuritmoqda, jumladan, 1 nafari fan doktor (X.Norbo‘tayev) 5 nafar fan nomzodi, dotsentlar (D.Qodirova, Sh.Yoqubov, R.Mustafoqulov, S.Bazarov, Z.Amirqulova), katta o‘qituvchi 4 nafar (A.Djurakulova, D.Shabbazova, L.Muxtorova, D.Yakubova) va 17 nafar o‘qituvchilardir.

Kafedraning ilmiy ishlari

Kafedra professor-o‘qituvchilari tomonidan “Web of Science”, “Scopus” jurnallarida 3 ta, Xalqaro miqiyosida 86 ta, Respublika jurnali va ilmiy-amaliy konferentsiyalarida 100 dan ortiq ilmiy ishlar chop etildi. Shuningdek, kafedra professor-o‘qituvchilari 2 dona darslik (X.Norbo‘tayev, D.Yakubova), monografiya 1 dona (D.Qodirova), bir qancha o‘quv-uslubiy qo‘llanmalarni nashr ettirgan. Kafedra prof-o‘qituvchilari L.Muxtorova, D.Yakubova, H.Jumayeva, Z.Amirqulovalarning qator ilmiy-metodik ishlari nashr ettirish, Z.Amirqulova , S.Bazarovlar monografiya, A.Abdusamatov o‘quv qo‘llanma chiqarish arafasida.

Shuningdek, kafedra professor-o‘qituvchilari tomonidan barcha o‘qitilayotgan fanlardan raqamli uslubiy ta’minotlarning qog‘oz va elektron variantlari yaratildi. Fanlardan test banklari, kurs ishlari banklari qayta tayyorlandi. Kafedra professor-o‘qituvchilar reja asosida kafedra miqyosida ochiq darslar tashkil etildi. 2021-2022 o‘quv yili davomida kafedra bo‘yicha ochiq dars, ilmiy seminarlar rejalashtirilgan bo‘lib muvafiqqiyatli bajarilib kelinmoqda.

Universitet o‘quv boshqarmasi rejasiga muvofiq 2021 yil oktabr oyidan hozirgi kungacha quyidagi kafedra prof-o‘qituvchilaridan Jumayeva Hulkar, Jumayev Ilhom Oliy ta’lim tizimi pedagog va kadrlarni qayta tayyorlash va ularning malakasini oshirish tarmoq markazida mutaxassislik bo’yicha qayta malakasini muvaffaqiyatli oshirib qaytdilar.

2021-yil kafedraning 4nafar o’qituvchisi dissertatsiya ishini himoya qilishdi:

1. X.Norbo‘tayev 13.00.02 Ta’lim va tarbiya nazariyasi va metodikasi (biologiya) ixtisosligi bo’yicha “Maktab o’quvchilarida ekologik tafakkurni tabiiy fanlararo sinxron va asinxron aloqadorlikda rivojlantirish metodikasi (biologiya, kimyo, fizika, o’quv fanlari misolida)” nomli (DSc) dissertatsiyasi mavzusi va ilmiy rahbar p.f.d., prof. Yu. G‘. Mahmudov.
2. Z. Amirqulova 10.00.02 – O’zbek adabiyoti ixtisosligi bo’yicha “Mustaqillik davri o’zbek hikoyalarida tarixiy shaxslar obrazining badiiy talqini” nomli (PhD) doktorlik dissertatsiyasi mavzusi va ilmiy rahbar filologiya fanlari doktori,professor. B.Karimov.
3. S. Bazarov 10.00.02 - O‘zbek tili ixtisosligi bo‘yicha tanlagan “Normurod Norqobilov asarlarining poetikasi” nomli doktorlik dissertatsiyasi (PhD) mavzusi va ilmiy rahbar, filologiya fanlari doktori, Azimidin Normamatovich Nasirov.
4. N.Normurodova 13.00.02 - Ta’lim va tarbiya tarbiya nazariyasi va metodikasi (boshlang‘ich ta’lim) ixtisosligi bo‘yicha “Bo‘lajak boshlang‘ich sinf o‘qituvchilarining savod o‘rgatishga kasbiy-metodik kompetentligini rivojlantirish” nomli (PhD) doktorlik dissertasiyasi mavzusi va ilmiy rahbar, pedagogika fanlari doktori, professor B.Abdullayeva.

Bundan tashqari kafedraning bir qancha professor-o‘qituvchilari dissertatsiyasini himoya qilish maqsadida ilmiy izlanishlar olib borilmoqda

1. A.Djurakulova 13.00.02 Ta’lim-tarbiya nazariyasi va metodikasi (matematika) ixtisosligi bo’yicha “Matematik qobiliyatlarni o‘rgatish boshlang‘ich sinf o‘quvchilari ijodiy qobiliyatini rivojlantirishning omili sifatida” nomli (PhD) dissertatsiyasi mavzusi va ilmiy rahbar prof.M.I.Jumayev.
2. Shabbazova 13.00.02- Ta’lim-tarbiya nazariyasi va metodikasi (boshlang‘ich ta’lim) ixtisosligi bo‘yicha “Boshlang‘ich sinf o‘quvchilari savodxonligini oshirish jarayonida shaxsiy qadriyatli yondoshuvni takomillashtirish metodikasi” nomli (PhD) doktorlik dissertatsiyasi mavzusi va ilmiy rahbar p.f.n.dots. Nurullayeva Shahlo Uktamovna.
3. L.Muxtorova 13.00.02-Ta’lim va tarbiya nazariyasi va metodikasi ixtisosligi, pedagogika fanlari bo‘yicha tanlagan “Boshlang‘ich sinf o‘quvchilarida ekologik xavfsiz madaniyatini fanlararo shakllantirish metodikasi” nomli (PhD) doktorlik dissertatsiyasi mavzusi va ilmiy rahbar p.f.d. prof. Yu.Mahmudov.
4. D.Yakibova 00.02-Ta’lim va tarbiya nazariyasi va metodikasi ixtisosligi, pedagogika fanlari bo‘yicha tanlagan “Boshlang‘ich ta’limda o‘quvchilarning texnologiya darslariga kreativ yondashuvini shakllantirish” nomli (PhD) doktorlik dissertatsiyasi mavzusi va ilmiy rahbar dots.X.R.Sanaqulov.

6. Hayitova 13.00.02-Ta’lim va tarbiya nazariyasi va metodikasi ixtisosligi bo‘yicha “Boshlang‘ich sinf o‘quvchilarining kreativ o‘qish madaniyatini shakllantirish texnologiyalari” nomli (PhD) dissertatsiyasi mavzusi va ilmiy rahbar p.f.d. prof. M.E.Haydarov.

7. Xolmo‘minova “O‘quvchilarda ekologik – huquqiy tarbiya berishda maktab, oila va mahalla hamkorligini takolmillashtirish” Ilmiy rahbar: prof. X.J.Xudoyqulov.

8. I.Badalov 13.00.02-Ta’lim va tarbiya nazariyasi va metodikasi ixtisosligi bo‘yicha “9-sinf o‘quvchilarida matematik tafakkurni fanlararo shakllantirish metodikasini takomillashtirish” nomli (PhD) dissertatsiyasi mavzusi va ilmiy rahbar etib p.f.d. prof.Yu.Mahmudov.

9. Djumayeva 13.00.01-Ta’lim va tarbiya nazariyasi va metodikasi ixtisosligi bo‘yicha “Boshlang‘ich sinf o‘quvchilarini globallashuv jarayonlarida ma’naviy xurujlardan himoyalash metodikasini takomillashtirish” nomli (PhD) dissertatsiyasi mavzusi va ilmiy rahbar etib p.f.d. prof.Yu.Mahmudov

10. Ismoilov 13.00.02-Aniq fanlarni o‘qitish metodikasi ixtisosligi bo‘yicha “Konstruktiv masalalar yechish vositasida –bo‘lajak boshlang‘ich sinf o‘qituvchilarni matematik kompitentligini rivojlantirishning ilmiy-metodik asoslari” nomli (PhD) doktorlik dissertatsiyasi mavzusi va ilmiy rahbar p.f.n.prof.M.Jumayev.

11. A.S.Abdusamatov 13.00.02-Ta’lim va tarbiya nazariyasi va metodikas ixtisosligi bo‘yicha “Boshlang‘ich sinf o‘quvchilarini o‘quv-bilish faoliyatini modellashtirish metodikasini takomillashtirish” nomli (PhD) pedagogika bo‘yicha falsafa doktori dissertatsiyasi mavzusi va ilmiy rahbar p.f.d.prof.Q.Norbo‘tayev.

III.Boshlang‘ich ta’lim kafedrasi quyidagi nufuzli oliy o‘quv yurtlari bilan uzviy bog‘lanib, hamkorlik aloqalarini olib boradi:

1. Nizomiy nomidagi Toshkent davlat pedagogika universitetining “Boshlang‘ich ta’lim” kafedrasi.
2. QarDUning “Boshlang‘ich ta’lim” kafedrasi.
3. BuxDUning “Boshlang‘ich ta’lim” kafedrasi.
4. SamDUning “Boshlang‘ich ta’lim” kafedrasi.
5. Novosibirisk Pedagogika universiteti
6. Latviya Davlat Pedagogika universiteti
7. Qozog‘iston Avezov nomli pedagogika universiteti

Kafedrada o‘qitiladigan fanlar:

Bakalavriat:

2.00. Umumkasbiy fanlar (2020 o‘quv reja)

2.03. Ona tili. 2-kurs

2.03. Ona tili va bolalar adabiyoti. 2-3 kurslar

2.05. Boshlang‘ich matematika kursi nazariyasi. 2-kurs

Ona tili o‘qitish metodikasi. 2-kurs.

Matematika o‘qitish meodikasi. 2-kurs.

3.00. Ixtisoslik fanlar (2018 o‘quv reja).

3.01. Boshlang‘ich ta’lim pedagogikasi va innovatsiya va integratsiyasi.

3.03. Texnologiya va uni o‘qitish metodikasi.

3.04. Tabiatshunoslik va uni o‘qitish metodikasi.

3.08. Tanlov fanlar

3.08.t.f.Boshlang‘ich sinflarda integratsiyalashgan ta’lim.

3.08.t.f.Boshlang‘ich sinflarda matematikadan tipik masalalarni o‘rganish.

3.08.t.f.O‘qituvchi nutq madaniyati.

3.08.t.f.CHiroyli yozuv malakasini shakllantirish metodikasi.

3.08.t.f.Ona tili praktikum.

Magistratura

2.00. Mutaxassislik fanlari

1. Mutaxassislik fanlarini o‘qitish metodikasi

2. Pedagogik tadqiqotlarda statistik metodlar.

2.03. Tanlov fanlari

2.3.1. Xalq og‘zaki ijodining yangi yo‘nalishlari.

2.3.2.Boshlang‘ich ta’limda milliy o‘quv dasturini joriy etish.