O‘zbekiston Respublikasida Xalqaro Ta’lim bo‘yicha Amerika kengashlarining filiali TerDU talabalarga Toshkentdagi mahalliy va xalqaro kompaniyalarda yozgi amaliyot o‘tash orqali o‘z kasbiy mahoratini oshirish imkoniyatini taklif etmoqda.
Termiz davlat universitetida tashkil etilgan treningda filial xodimi Aziza Nuriddinova tomonidan mazkur dasturdan ko‘zlangan maqsad va vazifalar, unda ishtirok etish hamda ariza yuborish tartiblari yuzasidan tavsiyalar berildi.
Ishtirokchilar kasbiy rivojlanish, sanoat rahbarlari bilan aloqa o‘rnatish, biznes va STEM sohalarida taniqli mutaxassislardan maslahat olish imkoniyatlariga ega bo‘ladilar. Amaliyot to‘liq AQShning Toshkentdagi elchixonasi tomonidan moliyalashtiriladi va O‘zbekistonning barcha hududlaridan talabalarni qabul qiladi.
Dastur bo‘yicha qo‘shimcha ma’lumot: @YPIP2024
