Arxeologiya kafedrasi

Kafedra faoliyati haqida ma’lumot: Arxeologiya kafedrasida 2023-2024 o‘quv yilida 9 nafar professor-o‘qituvchi faoliyat ko‘rsatib, ulardan 3 nafari tarix fanlari nomzodi dotsent, 2 nafari falsafa doktori (PhD), 1nafari tarix fanlari bo‘yicha falsafa doktori, dotsent qolganlari esa katta o‘qituvchi va assistentlardan iborat bo‘lib kafedraning ilmiy nufuzi 75%ni tashkil etadi.

Kafedra professor-o‘qituvchilari tomonidan bakalavriat va magistratura bosqichlari uchun o‘quv rejalari asosida ma’ruza, amaliy va seminar mashg‘ulotlari olib borilmoqdi. Shuningdek, kafedra a’zolari ilmiy-tadqiqot ishlari, xalqaro va respublika miqyosidagi konferensiyalar hamda ilmiy jurnallarda maqolalar chop etish bilan faol shug‘ullanishadi. kafedra huzurida talabalar bilan arxeologik ekspeditsiyalar tashkil etilib, amaliyot darslari bevosita Labaratoriyalarda o‘tkaziladi. Bundan tashqari, kafedra professor-o‘qituvchilari tomonidan o‘quv-uslubiy qo‘llanmalar va darsliklar tayyorlanmoqda hamda Professor-o‘qituvchilar muntazam ravishda respublika va xalqaro ilmiy jurnallarda maqolalar chop etib kelmoqda. Bu borada tarix fanlari bo‘yicha falsafa doktori (PhD) Q.Toshaliyev tomonidan yaratilgan qator maqolalar, xususan: “The Kulal Tepa Archaelogical Project:Preliminaru report for the first season of archaeological Survey, autumn 2023(Southerm Uzbekistan) , Maqola Studia Hercynia jurnalida chop etilgan.

Kafedra faoliyati universitet rektori hamda Oliy ta’lim, fan va innovatsiyalar vazirligi tomonidan belgilangan vazifalar ijrosiga qaratilgan bo‘lib, ta’lim sifatini oshirish, ilmiy tadqiqotlarni kengaytirish va talabalar bilimini mustahkamlashga alohida e’tibor qaratildi.

Kafedra tarixi : Arxeologiya kafedrasi Termiz davlat universiteti tarkibida 2023-2024 o‘quv yilda tashkil etilgan bo‘lib, mamlakatimizda arxeologiya fanini rivojlantirish, qadimiy madaniyat va sivilizatsiyalar tarixini ilmiy asosda o‘rganish, hamda malakali mutaxassislarni tayyorlash maqsadida faoliyat boshlagan.

Kafedra ilk tashkil etilgan davrda 9 nafar professor-o‘qituvchi faoliyat yuritgan. Dastlab kafedra faoliyati ko‘proq qadimgi shaharlar, yodgorliklar va tarixiy obidalarni ilmiy tadqiq qilish bilan bog‘liq bo‘lgan.

Mana shu qisqa davr davomida kafedrada mashhur olimlar Annayev To‘xtash Jurayevich, Xoliqov Zokir Eshboltayevichlar ilmiy faoliyat olib borib, ko‘plab fundamental tadqiqotlar yaratdilar. Ularning ilmiy merosi bugungi kunda ham arxeologiya fanining rivojida muhim ahamiyat kasb etmoqda.

Bugungi kunda kafedra zamonaviy ilmiy-uslubiy yondashuvlar asosida faoliyat yuritib, arxeologiya, tarixshunoslik, muzeyshunoslik, restavratsiya va saqlash ishlari yo‘nalishida ilmiy izlanishlarni davom ettirmoqda. Kafedra tarkibida hozirgi kunda 10 nafar professor-o‘qituvchi, shuningdek, yosh tadqiqotchilar va doktorantlar faoliyat ko‘rsatmoqda.

Kafedra nafaqat ta’lim jarayonida, balki xalqaro va respublika miqyosidagi ilmiy ekspeditsiyalar, loyihalar hamda ilmiy-amaliy konferensiyalarda ham faol ishtirok etib kelmoqda.

Kafedra o‘qituvchilari:

Annayev Tuxtash Jurayevich – t.f.n., dotsent.

Telefon:+998 94 201 98 78

Xoliqov Zokir Eshboltayevich - t.f.n., dotsent.

Telefon:+998 93 635 06 64

Toshaliyev Qahramon Boboyorovich-t.f.f.d (PhD)

Telefon: +998 99 710 30 41

Abduqayumov Asror Rayimovich– t.f.n., dotsent.

Telefon: +998 99 875 01 98

Shaydullayev Alisher Shapulatovich--t.f.f.d (PhD)

Telefon: +998 95 884 80 90

Xamidov Odiljon Abduvoxidovich- (PhD) ., dotsent.

Telefon: +998 99 671 10 28

Shapulatov Ulug‘bek Xoltojiyevich – O‘qituvchi

Telefon: +998 93 345 55 23

Normo‘minov Mansurbek Baxtiyor o‘g‘li – O‘qituvchi

Telefon: +998 99 947 58 75

Turdiyev Jasur Kaxramonovich- O‘qituvchi

Telefon: +998 97 841 65 25

Kafedrada o‘qitiladigan fanlar:

Bakalavriat:

Geoarxeologiya

Arxeologiyaga kirish

Inson evolyutsiyasi va old tarix

O‘rta Osiyoning ornamenti va tasviriy san’ati

Landshaft arxeologiyasi

Arxeologiyada geografik axborot tizimlari

Arxeologik dala tadqiqot usullari va topilmalarga ishlov berish

Magistratura:

Ilmiy tadqiqot metodologiyasi

Maxsus fanlarni oʻqitish metodikasi

Tarixiy rekonstruksiya masalalari

Paleoekologiya va sivilizatsiya dinamikasi

Zamonaviy arxeologik tadqiqot usullari

Oʻrta Osiyo shaharlar tarixiy topografiyasi

Arxeologiya kafedrasida olib borilayotgan ilmiy ishlar

Arxeologiya kafedrasi professor-o‘qituvchilari tomonidan respublika va xalqaro ilmiy dasturlar doirasida qator ilmiy tadqiqotlar olib borilmoqda. Ilmiy izlanishlar asosan quyidagi yo‘nalishlarda amalga oshiriladi:

1. Qadimiy shaharlar va yodgorliklarni o‘rganish.

Surxon vohasi va O‘zbekistonning boshqa hududlarida joylashgan arxeologik yodgorliklarda qazishmalar olib borilmoqda. Termiz, Kampirtepa, Dalvarzintepa kabi qadimiy markazlarda ilmiy izlanishlar davom etmoqda.

2. Madaniy merosni tadqiq etish va asrash.

Topilgan moddiy madaniyat namunalari ilmiy jihatdan tahlil qilinib, ularni restavratsiya va konservatsiya qilish ishlari olib borilmoqda. Muzey fondlarini boyitishga qaratilgan ilmiy izlanishlar tashkil etilmoqda.

3. Ilmiy ekspeditsiyalar.

Kafedra olimlari muntazam ravishda arxeologik ekspeditsiyalarda ishtirok etib, yangi ilmiy materiallar to‘plamoqda.

Xalqaro hamkorlik doirasida xorijiy ilmiy markazlar bilan qo‘shma tadqiqotlar amalga oshirilmoqda.

4. Ilmiy loyihalar va grantlar.

O‘zbekiston Respublikasi Innovatsion rivojlanish vazirligi, Oliy ta’lim, fan va innovatsiyalar vazirligi hamda boshqa ilmiy fondlar tomonidan e’lon qilingan grantlarda qatnashib, amaliy va fundamental loyihalar ishlab chiqilmoqda.

5. Ilmiy nashrlar va konferensiyalar.

Professor-o‘qituvchilar muntazam ravishda respublika va xalqaro ilmiy jurnallarda maqolalar chop etib kelmoqda. Kafedra tashabbusi bilan ilmiy-amaliy konferensiyalar va davra suhbatlari tashkil etiladi.

6. Talabalar ishtirokidagi ilmiy ishlar.

Kafedra qoshida ilmiy to‘garaklar faoliyat yuritib, iqtidorli talabalar arxeologik ekspeditsiyalarda amaliyot o‘tamoqda. Talabalar ilmiy maqolalar yozib, turli konferensiya va tanlovlarda qatnashmoqda.

Bundan tashqari kafedraning bir qancha professor-o‘qituvchilari tomonidan doktorlik dissertatsiyasini himoya qilish maqsadida ilmiy izlanishlar olib borilmoqda.