Bugun, 7-iyul kunidan boshlab Termiz davlat universitetida 2026/2027-o‘quv yili uchun alohida iqtidor talab etadigan bakalavriat ta'lim yo‘nalishlari bo‘yicha kasbiy (ijodiy) imtihonlar rasman boshlandi.
Bugun abituriyentlar uchun uzoq yillar davomida egallagan bilim va ko‘nikmalarini amalda namoyon etish, o‘z salohiyatini aql tarozisiga solish fursati yetdi. Bu sinov nafaqat bilim, balki iste'dod, mehnat va intilishning ham munosib bahosidir.
Kasbiy (ijodiy) imtihonlar 7–17-iyul kunlari davom etadi. Unda abituriyentlarning nazariy bilimlari bilan bir qatorda amaliy ko‘nikmalari, ijodiy fikrlashi va kasbiy salohiyati shaffoflik, adolat hamda xolislik tamoyillari asosida baholanadi.
Hurmatli abituriyentlar! Imtihonga belgilangan sana va vaqtda shaxsni tasdiqlovchi hujjat bilan o‘z vaqtida yetib kelishingizni so‘raymiz.
Barcha abituriyentlarga kasbiy (ijodiy) imtihonlarda omad, yuqori natijalar va ulkan muvaffaqiyatlar tilaymiz!
Kasbiy (ijodiy) imtihonlar jarayonining jonli efirini quyidagi havola orqali kuzatishingiz mumkin: imtihon.tersu.uz
