Termiz davlat universiteti rektori A. Toshqulov universitetni yangi o‘quv yiliga puxta tayyorlash maqsadida universitetga qarashli bino va inshootlarda olib borilayotgan rekonstruksiya, ta’mirlash hamda obodonlashtirish ishlari bilan tanishdi.
Ko‘zdan kechirish jarayonida mas’ullar bilan mavjud infratuzilmani yanada takomillashtirish, bino va hududlardan samarali foydalanish, talabalar uchun zamonaviy va qulay muhit yaratish masalalari muhokama qilindi.
Shuningdek, Alisher Navoiy ko‘chasi bo‘ylab yoshlar sayilgohini barpo etish, hududning estetik qiyofasini yaxshilash hamda universitetga tutash maskanlarni yanada obod va zamonaviy ko‘rinishga keltirish bo‘yicha amalga oshirilayotgan ishlar yuzasidan tegishli topshiriqlar berildi.
Rejalarga ko‘ra, amalga oshirilayotgan bunyodkorlik ishlari yangi o‘quv yili va Mustaqillik bayrami arafasida yakuniga yetkaziladi.
