Termiz davlat muhandislik va agrotexnologiyalar universitetida viloyatdagi oliy ta'lim muassasalari talabalari o‘rtasida o‘tkazilgan sport sinovlarida muvaffaqiyatli ishtirok etgan yoshlarga I, II va III darajali “Jismoniy tayyorgarlik darajasi” ko‘krak nishoni, guvohnoma hamda sport formalari topshirildi.
Mazkur e'tirofga Termiz davlat universitetining 6 nafar talabasi munosib deb topilib, “Jismoniy tayyorgarlik darajasi” ko‘krak nishoni bilan taqdirlandi. Shuningdek, yana 6 nafar talaba faol ishtiroki uchun esdalik sovg‘alari bilan rag‘batlantirildi.
Bu yutuq TerDUda sog‘lom turmush tarzini targ‘ib etish, sportni ommalashtirish hamda har tomonlama barkamol avlodni tarbiyalash yo‘lida olib borilayotgan tizimli ishlarning yana bir yorqin natijasidir.
