Universitet rektori tomonidan berilgan topshiriqlar ijrosini ta’minlash maqsadida yoshlar masalalari va ma’naviy-ma’rifiy ishlar bo‘yicha birinchi prorektor O. Shofiyev tomonidan Milliy libos va san’at fakulteti professor-o‘qituvchilari uchun O‘zbekiston Respublikasi Prezidentining “Madaniyat, san’at va adabiyot sohalarini yanada rivojlantirish bo‘yicha keng ko‘lamli chora-tadbirlar to‘g‘risida”gi Farmoni mazmun-mohiyatiga bag‘ishlangan taqdimot o‘tkazildi.
🟢Taqdimot davomida farmonda belgilangan ustuvor vazifalar, madaniyat, san’at va adabiyot sohasi vakillariga yaratilayotgan imtiyoz va imkoniyatlar, ijodkorlarni qo‘llab-quvvatlash bo‘yicha yangi mexanizmlar haqida batafsil ma’lumot berildi.
