Termiz davlat universiteti hamda Surxondaryo viloyati Maktabgacha taʼlim boshqarmasi hamkorligida Maktabgacha ta’lim yo‘nalishi bitiruvchilarining bandligini ta’minlash maqsadida uchrashuv tashkil etildi.
Unda TerDU Marketing va talabalar amaliyoti bo‘limi boshlig‘i A.Toshev, Maktabgacha taʼlim boshqarmasi kadrlar boʻlimi boshligʻi A.Ashurov, Maktabgacha ta’lim kafedrasi mudiri M.Norbosheva, tuman (shahar) maktabgacha ta’lim bo‘limlari vakillari hamda bakalavr va magistratura bosqichi bitiruvchi talabalari ishtirok etishdi.
Ma’lumot o‘rnida aytishimiz mumkinki, joriy yilda Maktabgacha ta’lim yo‘nalishining bakalavr va magistratura bosqichini 108 nafar talaba tamomlaydi. Shundan 73 nafar talaba amaliyot o‘tash vaqtida MTMlarga ishga joylangan. To’rt nafar talaba bugungi uchrashuv davomida ishga qabul qilindi.
