Termiz davlat universitetida Oliy ta’lim, fan va innovatsiyalar vazirligi ishchi guruhi vakillari ishtirokida talaba-yoshlar bilan ochiq va samimiy muloqot tashkil etildi.
🟢Uchrashuv davomida talabalar ta’lim sifati, ilmiy-tadqiqot faoliyati, startap va innovatsion loyihalar, xalqaro almashinuv dasturlari, stipendiyalar hamda yoshlar uchun yaratilayotgan imkoniyatlar yuzasidan o‘z fikr va takliflarini bildirdilar.
🟢Muloqotning eng muhim jihati shundaki, har bir savol va taklif e’tibor markazida bo‘ldi. Talaba-yoshlar o‘zlarini qiziqtirgan masalalar bo‘yicha mutaxassislar va mas’ul vakillardan atroflicha javob oldilar, mavjud muammolar va ularning yechimlari yuzasidan ochiq fikr almashildi.
✨ Bugungi uchrashuv yana bir bor shuni ko‘rsatdiki, Termiz davlat universitetida talabalarning fikri qadrlanadi, tashabbuslari qo‘llab-quvvatlanadi va ularning kelajagi uchun zarur sharoitlar yaratishga alohida e’tibor qaratiladi.
📌 Bildirilgan taklif va mulohazalar universitet hamda ta’lim tizimini yanada takomillashtirishga xizmat qiladigan muhim g‘oya va tashabbuslar sifatida qayd etildi.
