2022 yil 23-aprel kuni Termiz davlat universitetiga Qozon federal universitetining Boshqaruv, iqtisodiyot va moliya instituti direktori, professor Bagautdinova Nelya Gumerovna tashrif buyurdi.
Xorijiy mehmon hamda TerDu rahbariyati o'rtasida o'tkazilgan uchrashuv davomida salohiyatli hamkorlik masalalari jumladan, oliy ta’lim muassasalari o'rtasida bakalavr hamda magistratura bosqichining iqtisodiyot ta'lim yo'nalishlari bo'yicha qo'shma ta'lim dasturlarini yo'lga qo‘yish, talabalar uchun yozgi-kuzgi maktablarning ochilishi, turli xil ta'lim sohalari bo'yicha QFUdan professor-o'qituvchilarni TerDU ta'lim jarayoniga jalb qilish, akademik mobillik va boshqa masalalar ustida muzokaralar olib borildi.
