Bugun Termiz davlat universiteti yuridik fakultetida “Yoshlarning tibbiy, psixologik va huquqiy savodxonligida oila mustahkamligining poydevori” mavzusida davra suhbati bo'lib o'tdi.
Unda universitet Xotin-qizlar masalasi bo’yicha rektor maslahatchisi D.Hamzayeva, Termiz shahar ko‘p tarmoqli markaziy poliklinika shifokori L.Xayitova, Toshkent tibbiyot akademiyasi Termiz filiali o‘qituvchisi psixolog M.Sahiyeva, Yuridik fakulteti xotin-qizlar masalalari bo‘yicha dekan maslahatchisi O‘.Jo‘rayeva fakultet tyutorlari va talaba qizlari ishtirok etishdi.
Davra suhbatida xotin-qizlarni ijtimoiy-siyosiy faolligini oshirish, ularni har taraflama qo‘llab-quvvatlash, xotin-qizlarning ta’lim va kasbiy ko‘nikmalar olishlari uchun keng imkoniyatlar yaratish, iqtidorli yosh qizlarni aniqlash va ularning qobiliyatlarini to‘g‘ri yo‘naltirishga doir tushunchalar berib o’tildi.
