Ayni daqiqa 18-noyabr – “O‘zbekiston Respublikasi davlat bayrog‘i kuni”ga bag‘ishlangan respublikamizning 15 ta (Andijon, Namangan, Farg‘ona, Qo‘qon, Chirchiq, Navoiy, Guliston, Jizzax, Samarqand, Qarshi, Termiz, Buxoro, Urganch, Nukus, Toshkent) shahrida “Yangi nafas” ommaviy yugurish musobaqasi bo‘lib o‘tmoqda.
«1 ta vatanda 1 ta vaqtda, 1 ta masofaga, 1 ta maqsadda – Birga yuguramiz» shiori ostidagi mazkur o‘ziga xos aksiyada 85 ta oliy ta’lim muassasasining 27 mingdan ortiq talaba-yoshlar qatnashmoqda.
Termiz shahridagi «Surxon Arena»da Termiz davlat universitetining mingdan ortiq talabalari faol ishtirok etishdi. Marafon so’ngida ishtirokchilar uchun madaniy tadbir tashkil etildi.
