Mamlakatimizda yashayotgan har bir inson qalbida insoniylik, mehr-muruvvat, bag‘rikenglik kabi ijobiy xislatlar joy olgan. Xalqimizning ulug‘ qadriyatlaridan biri yoshi ulug‘ insonlarga, keksalarga hurmat-ehtirom koʼrsatish, ularning koʼp yillik hayotiy va mehnat tajribalari asosidagi qadrli maslahatlaridan bahramand boʼlish va duolarini olib yurishdir.
Termiz davlat universitetida Xotin-qizlar kengashi va Ijtimoiy fanlar fakulteti hamkorligida "Keksalar haftaligi" munosabati bilan Axborot resurs markazida "Uch avlod uchrashuvi" tashkil etildi.
Unda oliygoh professor-o‘qituvchilari, faxriy ustozlar hamda talabalar ishtirok etishdi.
Uchrashuvda faxriy ustozlar o‘zlarining hayot yo‘lini, olib borgan ko‘p yillik faoliyati haqida maʼlumotlar hamda kerakli pand-nasihatlar berishdi.
Yakunida faxriy ustozlarga eʼzozlash maqsadida universitet kasaba uyushmasi tomonidan esdalik sovg‘alari berildi.
