Oʻzbekiston Respublikasi Vazirlar Mahkamasining 2022-yil 18-yanvarda “Isteʼdodli yoshlarni qoʻllab-quvvatlash “Ulugʻbek” jamgʻarmasi faoliyatini rivojlantirish chora-tadbirlari toʻgʻrisida”gi 30-son qarorida bir yilda bir marta “Mirzo Ulugʻbek vorislari” Respublika tanlovi oʻtkazish belgilangan.
Shu munosabat bilan bugun Termiz davlat universiteti Fizika-matematika fakultetida ushbu qarorni ijrosini ta'minlash hamda mamlakatimizda iqtidorli yoshlarni tashabbuslarini qo'llab-quvvatlashda amalga oshirilayotgan ishlarni yanada jadallashtirish, ularni ilmiy-texnik faoliyatiga keng jalb qilish maqsadida jamg’arma xodimlari navbatdagi “Mirzo Ulugʻbek vorislari” Respublikasi tanlovi targ’ibotini olib borishdi.
Targ’ibotda TerDU O’quv ishlari bo’yicha prorektor R.To’rayev, Iste’dodli yoshlarni qo‘llab-quvvatlash "Ulug‘bek" jamg‘armasi direktori B.Xudanov hamda Surxondaryo viloyati tumanlaridagi maktablarining ma’naviy-ma’rifiy ishlari bo’yicha direktor o’rinbosarlari ishtirok etdi.
Shuningdek, targ’ibotda “Mirzo Ulugʻbek vorislari” Respublikasi tanlovining o’tkazilishi tartibi, unda ishtirok etmoqchi bo’lganlardan talab qilinadigan hujjatlar va iqtidorlar, shuningdek, ushbu jamg’armaning imtiyozlari, hamda unda qatnashganlarning yutuqlari haqida aytib o’tildi.
Yakunida ishtirokchilar o’zlarini qiziqtirgan savollarga javob olishdi.
