Termiz davlat universiteti Kengashining navbatdagi yigʻilishi bo‘lib oֲ‘tdi.
Dastlab O‘quv ishlari bo‘yicha prorektor R.To‘rayev barcha professor-o‘qituvchilarni 1-oktabr Oʻqituvchi va murabbiylar kuni bilan samimiy tabrikladi.
Shundan so’ng, muvaffaqiyat va yutuqlarga erishgan, ilmiy unvon hamda ilmiy daraja olgan professor-oʻqituvchilarga diplom attestatlari tantanali ravishda topshirildi.
Kun tartibida universitetda 2022/2023-o‘quv yilida rejalashtirilgan kapital qurilish va rekonstruksiya ishlari, o‘quv-laboratoriya jihozlari bilan ta’minlash, talabalar turar joylarini barpo etish masalalari, faxriy professor va faxriy dotsent unvonini ta’sis etish va uning Nizomini tasdiqlash, mustaqil izlanuvchi, tayanch doktorant, doktorantlarning monitoringi natijalari, TerDU tasarrufidagi o‘rta maxsus va professional ta’lim muassasalarining o‘quvchilaariga “Rektor stipendiyasi”ni tayinlash va to‘lash tartibi to‘g‘risidagi Nizomni tasdiqlash to‘g‘risidagi masalalar ko‘rib chiqildi.
Kengash a’zolari universitet professor-oʻqituvchilari tomonidan tayyorlangan darslik, monografiya, risola hamda oʻquv qoʻllanmalarni nashr etish uchun tasdiqlab berishdi.
Shuningdek, darslik, monografiya, oʻquv qoʻllanmalari nashr etilganlar ham qutlandi.
Yakunda kun tartibiga qoʻyilgan qator masalalar yuzasidan takliflar olindi va ularning ijrosi boʻyicha qarorlar chiqarildi.
