O‘zbekiston Respublikasi Innovatsion rivojlanish vazirligining 2021-yil 27-yanvardagi 03-51/511-sonli xatiga asosan “Yosh olimlarni yetakchi xorijiy ilmiy tashkilotlarga qisqa muddatli ilmiy stajirovkalarga yuborish” maqsadida bir guruh professor-o’qituvchilari Belorussiya Milliy Fanlar Akademiyasi ilmiy kadrlar tayyorlash institutiga 2022-yil 30-avgustidan – 2022-yil 1-oktabr kuniga qadar ilmiy safarga yuborilgan edi.
Belorussiya Milliy Fanlar Akademiyasining Yakuba Kolasa nomidagi tilshunoslik institutiga Rus tilshunosligi kafedrasi o‘qituvchisi Kamalov Umid Achilovich, Organik va fizikaviy kimyo institutiga Fizikaviy va kolloid kimyo kafedrasi mudiri, kimyo fanlari doktori dotsent Kasimov Sherzod Abduzairovich, Markaziy Botanika bog‘iga Zoologiya kafedrasi dotsenti Abdulazizova Shoira Karimovna va 2-kurs tayanch doktoranti Allayarov Sirojiddin Kamolovich hamda Botanika kafedrasi mudiri, biologiya fanlari nomzodi, dotsent Begmatov Abdusamat Mamatqulovichlar ilmiy stajirovkaga o’tab qaytdi.
Satjirovka o’tagan professor-o’qituvchilar Belorussiya Milliy Fanlar Akademiyasi rahbariyati tomonidan sertifikat hamda esdalik sovg’alar bilan taqdirlandi.
