Kuz-qish mavsumida Termiz davlat universiteti TTJlarida hamda ijarada yashovchi talabalarni is gazidan zaharlanish hamda havo-gaz aralashmasi chaqnashi bilan bogʻliq favqulodda vaziyatlarning oldini olish hamda talabalarning bu boradagi savodxonligini oshirish maqsadida “Yong‘in xavfsizligi qoidalariga rioya qilish hamda uni oldini olish chora-tadbirlarini amalga oshirish” mavzusida tadbir tashkil etildi. Mazkur tabdirda universitet professor-o‘qituvchilari, tyutorlar va talabalar ishtirok etishdi.
Ishtirokchilarga xonadonlarda va talabalar turar joyida qo‘lbola yasalgan elektr isitish va boshqa elektr, gaz uskunalaridan foydalanmaslik, bunday jihozlar bilan ishlash, ularga e’tiborsizlik bilan munosabatda bo‘lganda qanday salbiy oqibatlarga olib kelishi to‘g‘risida batafsil ma’lumotlar berildi.
