Talabalik hayotning eng qaynoq fasli, cheksiz orzu-umidlar davridir. Uning oʻzgacha sehri, jozibasi borki, umrning eng shirin dami sifatida yodimizda qoladi.
Joriy 2022/2023 oʻquv yilida ana shunday baxtiyor yoshlar Termiz davlat universitetining talabasi boʻlishdi. TerDUda yangi o‘quv yili boshlanishiga bag‘ishlangan “Yangi O‘zbekistonda el aziz aziz, inson aziz!” shiori ostida tadbir bo‘lib o‘tdi va unda universitet rektori A.Maraximov O‘zbekiston Respublikasi davlat mustaqilligining 31 yilligi hamda talabalikka qabul qilingan yoshlarni ushbu yutuqlari bilan samimiy qutladi.
Oliygohning professor-o‘qituvchilari talabalarga o‘zlarining iliq tilaklari va maslahatlarini berishdi.
Tadbirda 1-kursga qabul qilingan talabalar ham soʻzga chiqishib, shu oliygohda tahsil olishidan baxtiyor ekanliklarini taʼkidlashdi.
Bizni kuzatishda davom eting!
