BMT Taraqqiyot Dasturi (UNDP) vakillari bilan istiqbolli hamkorlik masalalari muhokama qilind. Universitetimizga Birlashgan Millatlar Tashkilotining Taraqqiyot Dasturi Loyihalar bilan ishlash bo‘limi rahbari Sarvar Tursunov boshchiligida mehmonlar tashrif buyurdi.
.jpg)
Uchrashuv davomida Islom taraqqiyot banki tomonidan moliyalashtirilayotgan loyiha doirasida 50 nafarga yaqin talaba qizlarni Big Data, AI, Cyber Security, Data Science va Machine Learning yo‘nalishlari bo‘yicha bepul o‘qitish masalalari muhokama qilindi. Shuningdek, o‘quv kurslarini muvaffaqiyatli tamomlagan ishtirokchilar uchun tegishli vazirlik va idoralarda amaliyot (stajirovka) tashkil etish bo‘yicha kelishuvga erishildi.
.jpg)
Quvonarlisi, tomonlar Yaponiya xalqaro hamkorlik agentligi (JICA) tomonidan amalga oshirilayotgan investitsiya loyihalarida Termiz davlat universitetining ishtirokini ta’minlash, istiqbolda qo‘shma loyihalarni amalga oshirish hamda xalqaro hamkorlikni yangi bosqichga olib chiqish yuzasidan ham fikr almashdilar.
.jpg)
Ma'lumot o'rnida, Yaponiya hukumati hamda ushbu tashkilot fondi asosida universitetda "Yoshlar markazi" tashkil etilgan bo'lib, markaz faoliyati "Yuridik maslahat markazi" bilan boyitildi.
