Nufuzli xalqaro baholash tashkiloti — “Round University Ranking” (RUR) o‘zining 2026-yilgi global reyting natijalarini e’lon qildi. Quvonarlisi, ushbu reytingda Termiz davlat universiteti (TerDU) dunyoning eng yetakchi oliy ta’lim muassasalari orasida 980-o‘rinni band etdi.
Shu bilan birga, TerDU mamlakatimiz miqyosida ham yuqori natija ko‘rsatib, O‘zbekiston oliygohlari orasida kuchli beshlikdan (5-o‘rin) joy oldi va yurtimizning eng nufuzli universitetlaridan biri ekanini yana bir bor isbotladi.
Ma’lumot o‘rnida: “Round University Ranking” (RUR) xalqaro reyting tizimi 2010-yildan buyon dunyo miqyosidagi yetakchi universitetlar faoliyatini va ta’lim sifatini xolis baholab keladi.
Termiz davlat universitetining xalqaro reytinglardagi muvaffaqiyati universitet jamoasining fidokorona mehnati, professor-o‘qituvchilar, tadqiqotchilar va talabalar sa’y-harakatlarining yana bir muhim e’tirofidir.
Batafsil: https://roundranking.com/ranking
