Termiz davlat universiteti Sport faoliyati va boshqaruvi fakultetida “Korrupsiyaga qarshi birgalikda kurashamiz" mavzusida davra suhbati tashkil etildi.
Unda talaba-yoshlarning huquqiy bilimi va madaniyatini oshirish, ularni turli jinoiy harakatlardan asrash hamda huquqbuzarliklarning oldini olish maqsadida soha mutaxassislari tomonidan ma'ruza qilindi.
Ishtirokchilarga O‘zbekiston Respublikasining “Korrupsiyaga qarshi kurashish to‘g‘risida”gi Qonuni va “O‘zbekiston Respublikasi korrupsiyaga qarshi kurashish agentligi faoliyatini tashkil etish to‘g‘risida”gi Prezident Qarorining mazmun-mohiyati haqida atroflicha ma'lumot berildi.
