Universitet balansidagi “Darband o‘quv amaliyot bazasi” talabalarning o‘quv amaliyot o‘tashi va ularning ta’til vaqtlarida ustozlari bilan maroqli xordiq chiqarishiga mo‘ljallangan maskan hisoblanadi. Buning uchun barcha sharoitlar yaratilgan bo‘lib, bir necha yillardan beri talabalar o‘quv amaliyotlarini ushbu maskanda o‘tashmoqda.
“Yashil makon” dasturi doirasida 2023 yil kuz mavsumida oromgoh hududida kuzgi ko‘chat ekish va obodonlashtirish ishlari olib borilmoqda.
Mazkur tog‘li hududda jami 6200 tup (archa daraxti turlari, bodom, yong‘oq, alyandr, burchin, gujum, pavloniya, sosna, mojjevelnik, chinor kabi) mevali va manzarali daraxt ko‘chatlarini ekish ishlari bosqichma-bosqich amalga oshirilmoqda.
Sug‘orish inshootlarini yaxshilash, hududda mavsumga mos obodonlashtirish ishlariga ham alohida e’tibor qaratilgan.
Kelgusida ushbu maskan yashil hududga aylantirilib, talabalarning o‘quv amaliyotlarini o‘tash va dam olishlari uchun yanada ko‘rkamlashtiriladi.
