Rektor A.Toshqulov universitet akademik litseyida professor-o‘qituvchilar va ishchi-xodimlar ishtirokida sayyor yig‘ilish o‘tkazdi.
Ayni paytda yurtimizda 62 ta akademik litseylar mavjud bo‘lib, 2022 yildagi faoliyat samaradorligini baholash natijalariga ko‘ra Termiz davlat universiteti akademik litseyi reytingda eng oxirgi o‘ringa tushib ketgan.
Yig‘ilishda:
➖ta’lim sifatini yaxshilash va bu borada ilmiy darajadagi malakali mutaxassislarni jalb qilish;
➖bugungi kunda dolzarb ahamiyatga ega bo‘lgan yangi yo‘nalishlar ochish va xorijiy tillarni o‘rgatishni kengaytirish;
➖attestatsiya o‘tkazish orqali malakali o‘qituvchilarni saralash va ularga 100 foizgacha ustama berish tizimini joriy qilish;
➖o‘z faoliyatiga mas’uliyat bilan yondashib, namuna ko‘rsatgan o‘qituvchilarni moddiy rag‘batlantirish va nufuzli xorijiy ta’lim muassasalariga stajirovka va malaka oshirish uchun yuborish;
➖axborot resurs markazini yangi zamonaviy darslik va adabiyotlar bilan boyitish;
➖ sinfxonalarni zamonaviy kompyuter jihozlari, raqamli interaktiv doskalar bilan to‘liq ta’minlash;
➖o‘quvchilar turar joyida zamonaviy qulayliklar yaratish;
➖o‘quvchilarning bo‘sh vaqtlarini mazmunli o‘tkazish maqsadida turli ma’rifiy va ko‘ngilochar tadbirlar hamda tanlovlar tashkil etilishi alohida ta’kidlandi.
Yig‘ilishda tashkiliy masala ko‘rib chiqildi.
