Termiz davlat universitetida AQSH elchixonasi mutaxassisi Chris Cowan tomonidan 3-4-bosqich talabalar uchun “Young Professional Internships Program” dasturi doirasida taqdimot oʻtkazildi.
Xoʻsh, “Young Professional Internships Program” qanday dastur va u talabaga qanday foyda beradi?
Young Professional Internships Program (YPIP) — yosh mutaxassislar uchun 12 haftalik yozgi amaliyot dasturi boʻlib, amaliyotchilarga Amerikaning yurtimizdagi korxona va tashkilotlarida ishlash, malaka oshirish tadbirlarida qatnashish, soha yetakchilari bilan muloqot qilish imkonini beradi.
Dastur STEM sohasida ishlashni reja qilayotgan, 3-4-bosqich talabalari uchun moʻljallangan va ingliz tilida olib boriladi. Amaliyotlar Toshkent shahrida tashkil etiladi.
