Imom Buxoriy xalqaro ilmiy-tadqiqot markazi tomonidan Termiz davlat universitetida “Jaholatga qarshi – maʼrifat” gʻoyasi asosida maʼnaviy-maʼrifiy tadbir tashkil etildi.
Unda Markaz targʻibotchilari Sh.Umarov, S.Abduvoitovlar talabalarga soʻnggi paytlarda avj olayotgan maʼnaviy tahdidlar, yoshlar hayotida ijtimoiy tarmoqlar tobora muhim oʻrin egallayotgani va undan maqsadsiz foydalanishning salbiy illatlari, yot oqimlar taʼsiridan saqlanish choralari xususida maʼlumotlar berishdi.
Tadbirda buyuk muhaddis Imom Buxoriy asarlari taqdimoti oʻtkazilib, talabalar bilan tasavvuf olami, Imom Buxoriy, Imom Termiziy, Imom Moturidiyning hayoti va boy ijodiy merosi haqida savol-javoblar tashkil qilindi. Zukko talabalarning bilimlari mehmonlar tomonidan eʼtirof etildi va ularga kitoblar taqdim etildi.
Bizni kuzatishda davom eting!
