Termiz davlat universitetiga Vengriyaning Oʻzbekistondagi elchisi Yojef Roja tashrif buyurdi. Dastlab oliygohning bugungi kundagi imkoniyatlari, soʻnggi yillarda erishilgan yutuqlar va qayd etilgan natijalar haqida batafsil maʼlumot berildi.
Uchrashuvda Oʻzbekiston va Vengriya oʻrtasida soʻnggi 2-3 yilda taʻlim, ilm-fan va innovatsiyalar sohasida hamkorlikda keng ishlar amalga oshirilayotganligi qayd etildi. Jumladan, hamkorlikdagi birgina Stipendium Hungaricum taʻlim granti orqali Vengriyadagi oliy oʻquv yurtlarida taʻlim olayotgan oʻzbekistonlik talaba-yoshlar soni oshib borayotgani aytib oʻtildi. Bugungi uchrashuvda Termiz davlat universiteti talabalari va oʻqituvchilarini mazkur grantga jalb etish, Vengriya oliy ta'lim muassasalari bilan yaqindan aloqa qilish
boʻyicha oʻzaro kelishib olindi.
Shundan soʻng mehmonlar Tarix fakultetidagi muzeylar faoliyati bilan yaqindan tanishdilar.
Bizni kuzatishda davom eting!
