Xabar berganimizdek, Rossiya Federatsiyasining Oltoy davlat universitetida «Slavyan va turkiy xalqlar uyg‘unligi: tarixda, bugun va kelajak» mavzusidagi III Xalqaro oltoyshunoslik forumi qizg‘in davom etmoqda. Forum Rossiya, Ozarbayjon, Vengriya, O‘zbekiston, Qozog‘iston, Qirg‘iziston, Mongoliya, Tojikiston kabi davlatlarning 90 dan ortiq oliy ta’lim muassasalarining 300 dan ortiq olimlarini jamlagan.
Turkiy va slavyan xalqlarining integratsiya tarixiga bag‘ishlangan ko‘pqirrali Forum doirasida Rossiya va Markaziy Osiyo davlatlarining yetakchi universitetlari rektorlari, federal va mintaqaviy hokimiyat vakillari qatnashmoqda. Shu qatorda Termiz davlat universiteti rektori A.Maraximov hamda Denov tadbirkorlik va pedagogika instituti rektori Gʻ.Raximov boshchiligidagi delegatsiya ham ishtirok etmoqda.
Forum “Rossiya va Markaziy Osiyo slavyan va turkiy xalqlarining tarixiy-madaniy uyg‘unligi” konsepsiyasi muhokamasida ikkala oliygoh rahbarlari turkiy dunyoning buguni va ertangi kunida ta’lim, fan va madaniyatning ahamiyati to‘g‘risida taklif-mulohazalarini bildirishdi.
Bizni kuzatishda davom eting!
