Ayni paytda Termiz davlat universiteti Kimyo fakulteti dekani X.Toʻrayev, noorganik kimyo kafedrasi mudiri Sh.Qosimov, analitik kimyo kafedrasi dotsenti Z.Jumayeva, doktorant N.Amanova Chexiya Respublikasining Praga shahridagi Yevropa amaliy fanlar va menejment institutida oʻtkazilayotgan “Yevropa universitetlarida taʼlim jarayonidagi innovatsiyalar” mavzusidagi oʻquv-amaliy seminarda ishtirok etishmoqda.
Seminar ishtirokchilari Markaziy va Sharqiy Yevropadagi eng qadimgi va klassik universitetlardan biri boʻlgan 1348-yilda tashkil topgan Praga shahridagi Karlov universitetiga tashrif buyurishdi.
Dasturga muvofiq Chexiyaning sobiq tashqi ishlar vaziri, Chexiya diplomatik fanlar akademiyasi rektori, professor Cyril Svoboda tomonidan “Kadrlar tayyorlashda innovatsion texnologiyalar va texnik vositalar” mavzusida olib borilgan oʻquv darslarida ishtirok etishdi.
Shuningdek, delegatsiya aʼzolari Praga qalʼasi, Vatslav maydoni, Eski shahar va Karlov koʻprigi bilan tanishishdi.
Bizni kuzatishda davom eting!
