Termiz davlat universitetida 11-oktabr — "Xalqaro qizlar kuni" munosabati bilan "Sening tashabbusing-sening kelajaging uchun" shiori ostida qizlar forumi boʻlib oʻtdi. Forumda oliygohda lider hisoblangan talaba-qizlar erishgan yutuqlari hamda faoliyati haqida ishtirokchilarga ma'lumot berishdi. Yosh avlod vakillarini bilim olishga, o‘z ustida izlanishga, yangiliklar yaratish va zamon bilan hamnafas harakat qilishga chorladi. Forum davomida stipendiant bo'lish istagidagi qizlar uchun maxsus seminar trening o'tib berildi va ular o'zlarini qiziqtirgan savollarga javob olishdi.
