Termiz davlat universiteti O‘zbek filologiyasi fakultetida faoliyat yuritib kelayotgan ustoz Normat Yo'ldoshevning ilm va hayot yo‘liga bag‘ishlangan adabiy-badiiy kecha bo‘lib o‘tdi. Tadbirda so‘z olganlar ustozning bugungi kundagi yutuqlari va erishgan natijalarini alohida e'tirof etishdi.
Yo‘ldoshev Normat Temirovich o‘zining ko‘p yillik ilmiy izlanishlari davomida XX asr o‘zbek she’riyatining yorqin yulduzlaridan biri – Abdulhamid Cho‘lpon merosini yuzaga chiqarish, uni kitobxonlar hukmiga havola etish maqsadida izlanishlar olib bordi. Shu mehnat samarasi o‘laroq 1991-yilda “Universitet” nashriyotida “Cho‘lpon hayoti va ijodi bibliografiyasi”ni chop ettirdi va ilk bor Cho‘lpon asarlarining ro‘yxatini e’lon qildi. 1991-1994-yillar mobaynida Cho‘lpon she’riyati bilan jiddiy shug'ullanib, qator maqolalar chop ettirdi. Jumladan, “Cho‘lpon talqinidagi Sharq”, “Majnun bo‘lib elni sevaman”, “Cho‘lponning ramziy lirikasiga doir chizgilar” maqolalari, “Cho‘lpon she’riyatida peyzaj” risolasi bugungi kun cho‘lponshunosligida muhim ahamiyat kasb etadi.
Bizni kuzatishda davom eting!
