2023-yil 5-oktyabr kuni TerDUda Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi ilm-fan va taʼlim integratsiyasi boshqarmasi boshligʻi Fazilat Qodirova ishtirokida seminar-trening boʻlib oʻtdi.
Seminar-treningda oliy taʼlimdan keyingi taʼlim institutlarida doktorantura faoliyatini muvofiqlashtirish va uni takomillashtirish, yangi ixtisosliklar boʻyicha doktorantura ochish masalalari, oliy taʼlim muassasalarida ilmiy-tadqiqot ishlarini tashkil etish, ularning samaradorligini oshirish, ilm-fan va taʼlim integratsiyasini taʼminlashga qaratilgan chora-tadbirlar, doktorantlar ilmiy faoliyatini yoʻlga qoʻyish uchun zarur boʻlgan vositalar, shu jumladan, akademik harakatchanlik boʻyicha masalalar koʻrildi.
Seminar-treningda doktorantlar va professor-oʻqituvchilar oliy taʼlimdan keyingi taʼlim institutida xorijiy til sertifikatining oʻrni, ilmiy stajirovkalarni tashkil etish tartibi, xorijiy professor-oʻqituvchilar bilan hamkorlik oʻrnatish boʻyicha bir qator takliflar berildi.
Bizni kuzatishda davom eting!