“Ellinlashgan sharq: Termiz shimoliy Baqtriyaning madaniy markazi sifatida. Xulosa va istiqbolli rejalar”. Fransiyaning CNRS ilmiy tadqiqotlar markazining professori Pyer Lerish, doktor Segolen de Pontbriand, numizmat doktor Olivye Bordo va Tarix fakulteti dekani Shuhrat Abdulloyev, dotsent Zokir Xoliqov ishtirokida tashkil etilgan uchrashuv ana shu mavzuga bagʻishlandi.
Talabalar uchun Eski Termiz hududida joylashgan Chingiztepa yodgorligida olib borilayotgan arxeologik tadqiqotlarning natijalari prezentatsiya qilindi.
Tarixchilarning aytishicha, olib borilgan tadqiqot natijalariga koʻra, Chingiz tepa maydoni 9 gektarni tashkil etib, yunon baqtriya podsholigi inqirozidan soʻng Oʻrta Osiyoning shimoliy sharqiy hududlarida istiqomat qilgan yuyechjilar tomonidan ishgʻol qilingan. Shuningdek, Eski Termiz hududida yuyechjilar davrida yirik saroylar, ibodatxonalar va mudofaa inshootlari barpo etilganligi ham olimlar tomonidan ochib berildi.
Endilikda tarixchilar shaharning sharqiy tomonida joylashgan mudofaa inshootlarini oʻrganishni rejalashtirishmoqda.
Bizni kuzatishda davom eting!