Xabar berib borayotganimizdek, TerDUda 2023/2024-o‘quv yiliga tayyorgarlik jarayonlari qizg‘in ketmoqda. Xususan, TTJlarda talaba-yoshlarning puxta bilim olishlari, bo‘sh vaqtlarini mazmunli o‘tkazishlari, qolaversa, yashash sharoitlarini yanada yaxshilash maqsadida qulayliklar yaratilmoqda.
Jumladan, talabalarning bo‘sh vaqtlarini yanada mazmunli o‘tkazishlariga ko‘maklashish, o‘zaro fikr almashishlariga qulay muhit yaratish uchun yotoqxona fayelari shinam yumshoq mebellar, hamda oshxonadagi shart-sharoitlarni yaxshilash maqsadida qo‘shimcha mebellar bilan jihozlandi. Ma’naviyat xonalari yangi jihozlar va kompyuter jamlanmalari bilan ta’minlandi. Sportsevar yoshlar uchun sport invertarlari olib kelindi.
Ma’lumot o‘rnida aytish joiz, ayni paytda oliygohda 6 ta talabalar turar joyi mavjud bo‘lib, jami 2885 ta o‘rin yaratilgan.
Bizni kuzatishda davom eting!