Ayni paytda Termiz davlat universiteti rektori, professor Avazjon Maraximov xizmat safari bilan Chexiyada bo'lib turibdi. Rektor Chexiyaga tashrifi doirasida Janubiy Chexiya universiteti rektori, professor Bohumil Jiroušek bilan uchrashdi.
Rasmiy uchrashuv davomida professor-oʻqituvchi va talabalarning almashinuvi dasturlari, ilmiy innovatsion yoʻnalishlarda hamkorlik qilish, ilmiy-tadqiqot ishlarini olib borish, magistrant va tayanch doktorantlarning ilmiy ishlariga hamkor xorijiy oliy taʼlim muassasalaridagi yetakchi olim va professorlarni ilmiy rahbar sifatida tayinlash boʻyicha oʻzaro hamkorlik shartnomalari imzolandi.
Janubiy Chexiya universiteti 1991-yilda tashkil topgan. Bugungi kunda universitetda 230 dan ortiq dasturlar, jumladan, bakalavriat va magistratura, shuningdek, doktorantura dasturlari bo‘yicha 8 ta turli bo‘limlarda 9000 nafarga yaqin talabalarga ta’lim berilmoqda. Universitet tabiiy, inson, sog'liqni saqlash va ijtimoiy fanlar bo'yicha ta'lim va tadqiqotlarga ixtisoslashgan yuqori sifatli fan va tadqiqot markazidir. Shuningdek, pedagogika-psixologiya yo'nalishlari
The Young University Rankings 2022da Janubiy Chexiya universiteti jahon va Chexiya miqyosida 251–300-oʻrinlarni va Chexiya Respublikasidagi oliy taʼlim muassasalari kontekstida 1-reytingni egalladi. Bundan tashqari, QS World University Rankings 2023-yilda 701-750-oraligʻidagi oʻrinlarni qoʻlga kiritdi.
Aytish kerakki, mazkur kelishuvlar ta'lim tizimida istiqbolli loyihalarni amalga oshirish, ikkita universitet oʻrtasida samarali hamkorlikni yoʻlga qoʻyishda muhim ahamiyatga ega.
Bizni kuzatishda davom eting!
