Maʼlumki, Milliy reyting oliy taʼlim muassasalarining nufuzli xalqaro reytinglardan joy olishiga koʻmaklashish maqsadida tashkil etilgan. Xalqaro reyting indikatorlariga moslashtirilgan milliy reyting tizimi orqali oliy taʼlim muassasalaridagi sifat koʻrsatkichlarini yildan-yilga yaxshilab borish orqali ularning dunyo reytingida yuqori oʻrin egallashlarini taʼminlashga erishiladi.
Vazirlar Mahkamasining "Oliy taʼlim muassasalari reytingini aniqlash tartibini takomillashtirish chora-tadbirlari toʻgʻrisida"gi Qarori doirasida ayni kunlarda viloyatdagi oliy taʼlim muassasalari professor-oʻqituvchilari va yuqori bosqich talabalarining bilim darajasini aniqlash maqsadida test sinovlari va ijtimoiy soʻrovnomalar oʻtkazilmoqda.
5-6-iyun kunlari o’tkazilgan sinovlarda 795 nafar TerDU professor-o’qituvchilari, fakultet dekanlari, prorektorlar, rektorat xodimlari, shu jumladan, universitet rektori, professor A.Maraximov ham mazkur test sinovlarida ishtirok etib, «Xorijiy til» va «Axborot-kommunikatsiya texnologiyalari» fanlaridan belgilangan test sinovlarini bajardi. 141 nafar yuqori bosqich talabalari mutaxassislik fanlaridan test topshirib, so’rovnomalarda ishtirok etdi.
Sinovlar 10-iyunga qadar bosqichma-bosqich davom etadi.
Bizni kuzatishda davom eting!
