Bugun katta g‘urur va iftixor bilan ayta olamizki, yoshlarimiz uchun mamlakatimiz Qurolli Kuchlari safida xizmat qilish nafaqat konstitutsiyaviy burch, balki yuksak maqsad, tom ma’nodagi shon-sharaf ishiga aylangan.
Yoshlarni vatanga sadoqat, mamlakatimizda amalga oshirilayotgan islohatlarga dahldorlik ruhida tarbiyalashga qaratilgan chora-tadbirlar samaradorligini oshirish, madaniy-ma’rifiy tadbirlarni yuqori saviyada tashkillashtirish va o‘tkazish maqsadida Termiz davlat universiteti binosida talabalar bilan “Yangi O‘zbekiston - yoshlar mamlakati!” shiori ostida uchrashuv bo‘lib o‘tdi.
Janubi-g‘arbiy maxsus harbiy okrug tasarrufidagi Termiz garnizonida joylashgan harbiy qism komandiri polkovnik A.Sadikov, universitet Yoshlar masalalari bilan ishlash va ma’naviy-ma’rifiy ishlar bo‘yicha prorektor O.Shofiyev hamda Yoshlar yetakchisi I.Tolipov ishtirok etdi.
Uchrashuv davomida talaba-yoshlarga harbiylar hayotiga oid turli xil ma’lumotlar, imtiyoz va imkoniyatlarga to’xtalib o‘tildi.
Talabalar o‘zlarini qiziqtirgan savollarga javob olishdi.
Bizni kuzatishda davom eting!
