Fransiyaning Arxeorient ilmiy laboratoriyasi katta ilmiy xodimi, Baqtriya prototarixi va arxeologik missiyasi direktori Joanna Luillier Termiz davlat universiteti Tarix fakulteti 1-kurs talabalariga “O`rta Osiyoning Bronza (miloddan avvalgi III-II mingyilliklar) davri moddiy madaniyatining o`ziga xos xususiyati” mavzusida ochiq ma`ruza o`tdi.
Ma`ruzada Surxondaryo viloyati, Sherobod tumanidagi Burguttepa, Kayrittepa, Quduq buloqtepa, Tulkitepa yodgorliklarida Termiz davlat universiteti va Fransiyaning Leon universitetlarining qo`shma ekspeditsiyasi tomonidan qo`lga kiritilgan natijalar haqida ma’lumotlar berildi.
Shuningdek, Termiz davlat universitetining bir guruh tarixchi olimlari Fransiyaning Leon universiteti va Arxeorient ilmiy laboratoriyasida malaka oshirib kelishmoqda. Ikkala oliy o`quv yurti o`rtasida mobillik asosida talaba almashinuvini yo’lga qo’yish rejalashtirilgani esa yanada quvonarlidir.
Bizni kuzatishda davom eting!