Termiz davlat universitetida boshlangʻich taʼlim kafedrasi dotsenti, filologiya fanlari nomzodi Sharif Yoqubovning 80 yillik yubileyi munosabati bilan tadbir oʻtkazildi. Unda universitet prorektorlari, dekanlar, professor-oʻqituvchilar hamda mehmonlar ishtirok etishdi.
Yoshlar masalalari va maʼnaviy-maʼrifiy ishlar boʻyicha prorektor O.Shofiyev tadbirni kirish so’zi bilan ochib, universitet rektori A.Maraximovning tabrigini oʻqib eshittirdi.
Tadbirda taʼkidlanganidek, Sh.Yoqubovning 55 yillik ilmiy-pedagogik faoliyati davomida 100 dan ziyod ilmiy maqolalari, 5 ta oʻquv uslubiy qoʻllanmalari va 1 ta monografiyasi eʼlon qilingan. Shuningdek, ushbu dargoh talabalarini oʻqitish, ularning jamiyatda oʻz oʻrnini topishlariga munosib xizmati singani eʼtirof etildi.
Uchrashuvda soʻz olganlar Sh.Yoqubovning uzoq yillik mehnati davomida erishgan yutuqlari, ilmiy ishlari bilan jamoa orasida hurmat, e’tibor qozonganini ta’kidlashdi va muborak 80 yoshi bilan samimiy tabriklashdi.
Bizni kuzatishda davom eting!
