Davlatimiz rahbari raisligida joriy yilning 11-aprel kuni yoshlar siyosati sohasidagi ishlar natijadorligini oshirish hamda ular bilan ishlash tizimini yanada takomillashtirish chora-tadbirlari yuzasidan oʻtkazilgan videoselektor yigʻilishida belgilab berilgan topshiriqqa asosan Termiz shahridagi “Sanʼat saroyi”da viloyat sektor rahbarlarining yoshlar bilan uchrashuvi boʻlib oʻtdi.
Unda Termiz davlat universiteti rektori A.Maraximov, Yoshlar masalalari va maʻnaviy-maʻrifiy ishlar boʻyicha prorektor O.Shofiyev hamda volontyor talabalar ham ishtirok etishdi.
Taʼkidlanganidek, viloyatda yoshlar bilan ishlash tizimini namunali tarzda tashkil etish maqsadida Termiz shahri tanlab olingan. Yigit-qizlar bilan manzilli ishlash, ularning bandligini taʼminlash, muammolarini hal etish, ijtimoiy reabilitatsiya qilish boʻyicha kompleks chora-tadbirlarni amalga oshirish uchun masʼul etib, Termiz shahri sektor rahbarlari va tashkilotlar biriktirildi.
Shuningdek, masʼullarga yoshlar bilan ishlashning yangi tizimini Termiz shahrida namunali tarzda tashkil etish boʻyicha vazifalar belgilab berildi.
Bizni kuzatishda davom eting!
