Libos nafaqat insonning tashqi ko‘rinishi bezagi, balki undagi axloq-odob, ma’naviyat va madaniyatning belgisidir. Momo va buvijonlarimiz kiygan milliy liboslarda o‘zbek xalqining qadimiy va o‘chmas ma’naviyati hamda boy qadriyatlari o‘z ifodasini topgan.
Termiz davlat universiteti Milliy libos va san’at fakultetida Xotin-qizlar kengashi tashabbusi "Buvijonim kiygan liboslar" mavzusida tadbir bo'lib o'tdi.
Unda viloyat "Buvijonim maktabi" raisi Robiya To'lakova, Buxoro muhandislik-texnologiya instituti texnika fanlari nomzodi, dosent Nigora Gofurova, barcha fakultetlarning Xotin-qizlar masalalari bo'yicha dekan maslahatchilari, tyutorlar hamda Milliy libos va san’at fakulteti talaba qizlari ishtirok etishdi.
Tadbir davomida Milliy libos va san'at fakultetidan jami 25 nafar iqtidorli talabalar tomonidan milliy qadriyatlarimizni hamda zamonaviy talablarni o'zida aks ettirgan liboslarning namoyishi bo'lib o'tdi.
Tadbir soʻnggida ishtirokchi qizlarga faxriy yorliq va esdalik sovgʻalari topshirildi.
