Termiz davlat universitetida xorijiy OTMlar bilan xalqaro hamkorlik aloqalari yaxshi yo‘lga qo‘yilgan.
Jumladan, Termiz davlat universiteti Xorijiy filologiya fakultetida Rossiyaning Vladimir davlat universiteti filologiya fanlar doktori, professor Koroleva Vera Vladimirovna ingliz tilini o‘qitish kafedrasi talabalariga qiziqarli dars mashg‘ulotini o‘tmoqda.
“Global English” va “Suitable course materials for ESP” kabi mavzularda dars mashg‘ulotini olib borar ekan, talabalarga til o‘qitish metodikasining zamonaviy va o‘ziga xos xususiyatlari, shuningdek o‘zi faoliyat yuritayotgan oliygohda til o‘qitish metodikasi bo‘yicha amalga oshirgan ilmiy ishlari haqida batafsil tushunchalar berdi.
Shuningdek, oliygohlar o‘rtasida tuzilgan memorandumga asosan professor-o‘qituvchilarning akademik mobilligini oshirish maqsadida Vladimir davlat universiteti o'qituvchilari N.V.Mitiushina hamda katta o'qituvchi Y.N.Ionova Termiz davlat universiteti Ingliz tili o'qitish metodikasi kafedrasida 2 haftalik malaka oshirmoqdalar.
Qiziqarli mashg‘ulotlardan katta taassurotlarga ega bo‘layotgan talabalar ushbu tashrifdan va darslardan mamnun bo‘lishmoqda.
