Termiz davlat universiteti rektori A.Maraximov va Oʻzbekiston xalq shoiri Iqbol Mirzo DXX Chegara qoʻshinlari “Yosh chegarachilar” harbiy-akademik litseyida boʻlib, dastlab muassasadagi shart-sharoitlar bilan tanishdi.
Samimiy muloqot tarzida oʻtgan uchrashuvda mamlakatimizda amalga oshirilayotgan islohotlar, siyosiy jarayonlar xususida soʻz yuritildi. Yosh chegarachilarga 5-aprel kuni Markaziy saylov komissiyasi tomonidan 30-aprel kuni boʻlib oʻtadigan referendumda ovoz berish byulletenining shakli va tavsifi tasdiqlangani, uni toʻldirish tartiblari aytib oʻtildi.
Shundan soʻng, sheʼriyat ixlosmandlari oʻzlarini qiziqtirgan savollari bilan mehmonlarga murojaat qilib, shoirlar hayoti va ijodiga oid koʻplab qiziqarli maʼlumotlarga ega boʻlishdi.
Bizni kuzatishda davom eting!
