Uchrashuvda universitet rektori A.Maraximov va “Sharq” nashriyoti bosh muharriri A.Ahmedov ishtirok etishdi.
Dastlab mehmonlar universitetda talabalarning bilim olishi uchun yaratilgan shart-sharoitlarni ko‘zdan kechirishdi hamda yorug’ va shinam xonalar, zamonaviy jihozlarni yuqori baholashdi.
Uchrashuvni universitet rektori A.Maraximov ochib berdi. Dastlab, yurtimizda kechayotgan siyosiy jarayon Yangilanayotgan Konstitutsiyaga kiritilayotgan o‘zgartirish va qo‘shimchalar haqida ma’lumot berildi. Ta’kidlanganidek, Konstitutsiya xalqning chinakam erkin, farovon hayot tamoyillariga yoʻgʻrilgan barqaror va yakdil jamiyat qurishdek buyuk maqsadlarini amalga oshirish imkoniyatini yaratib beruvchi huquqiy asosdir.
Shundan so‘ng, mehmonlar yoshlarga ijod olamining o‘ziga xos mashaqqatlari haqida so‘zlab, o‘z hayotiy tajribalari bilan o‘rtoqlashdi. Yosh qalamkashlar atoqli adib, O’zbekiston xalq shoiri Iqbol Mirzo tomonidan berilgan tavsiyalarni katta qiziqish bilan tinglashdi. Shuningdek, universitetning sheʼriyatga ixlosmand talabalari shoir qalamiga mansub sheʼrlaridan namunalar keltirishdi.
Professor-o‘qituvchilar va sheʼriyatga qiziquvchi talabalar uchun ushbu uchrashuv tom maʼnoda adabiyot kechasiga aylanib ketdi.
Shoir va yozuvchilar ishtirokida o’tkazilayotgan bu kabi ijodiy uchrashuvlar yoshlarning adabiyot, sheʼriyatga bo‘lgan qiziqishlarini yanada oshirishga xizmat qiladi.
