Xabaringiz bor, Oʻzbekiston Respublikasi Oliy Majlisi Qonunchilik palatasining “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonuni loyihasi boʻyicha Oʻzbekiston Respublikasi referendumini oʻtkazish haqida”gi qarori qabul qilindi.
Shu munosabat bilan ko‘plab joylarda targ‘ibot tadbirlari o‘tkazilmoda. Jumladan, Termiz davlat universiteti Kimyo fakultetida fakultet dekani X.To'rayev, universitet yuristi M.Po'latov tomonidan “Yangi O‘zbekiston Konstitutsiyasi – bu mening Konstitutsyam” mavzusida targ‘ibot tadbiri o‘tkazildi.
Tadbir davomida insonning qadr-qimmati, shaʼni va gʻururi ustuvor maqsad qilib olingan, izchil va puxta oʻylangan, bir necha bosqich davomida ishlab chiqilgan Bosh qomusimizning yangi tahrirdagi varianti haqida so'z yuritildi. Jumladan, konstitutsiyadagi moddalar soni amaldagi 128 tadan 155 taga, normalar soni esa 275 tadan 434 taga koʻpayganligi, 128 ta moddadan 91 tasiga konseptual oʻzgarish kiritilganligi, Konstitutsiya matni 65 foizga yangilanganligi ta'kidlab o'tildi.
Yakunda talabalar o‘zlarini qiziqtirgan savollarga javob olishdi.
