Termiz davlat universitetida yangilanayotgan asosiy qonunimiz loyihasiga bag‘ishlangan tadbir bo'lib o'tdi. Universitet professor-o‘qituvchilari, talabalar, mahalla va boshqa ijtimoiy soha xodimlari, ishtirok etgan tadbirda Surxondaryo viloyati Kengashi deputati B.G’afforov, universitet yuristi M.Po’latov va boshqalar tomonidan Yangi O‘zbekistonning yangilanayotgan Konstitutsiyasiga kiritilayotgan qo‘shimcha va o‘zgartishlar haqida keng tushunchalar berildi.
So‘zga chiqqanlar Yangilanayotgan Konstitutsiyamizga kiritilayotgan o‘zgartish va qo‘shimchalar mamlakatimiz tinchligi, obodligi yo‘lida olib borilayotgan bunday ulug‘vor ishlarni izchil davom ettirishning hamda xalqimiz hayotidan rozi bo‘lib yashashi uchun uning huquqiy asoslarini mustahkamlayotgani to‘g‘risida fikr yuritilib, barchani Konstitutsiyaviy qonun loyihasi bo‘yicha o‘tkaziladigan referendumda faol qatnashishga chorladi.
