Termiz davlat universiteti Arxitektura va qurilish fakultetida “Navro‘z" umumxalq bayrami munosabati bilan “Xush kelding Navro’z!” nomli “Sumalak sayli” bo’lib o’tdi.
Unda qadriyatlarimizdan biri bo‘lmish “Navro‘z” bayramining tarixi, uning qadimdan nishonlanib kelishi va milliy urf-odatlar, an’analar bebaho ne’mat ekanligini, ularning yoshlar tarbiyasidagi roli kattaligi haqida so’z yuritildi.
“Sumalak sayli”da bayram dasturxoni yozilib, talabalar o‘zlari tayyorlagan turli xildagi milliy taomlarimiz somsalar, ko‘k somsa, halim, chalpak va pishiriqlar bilan bayram dasturxonini bezatishdi.
Talabalar ijrosidagi laparlar, kuy-qo‘shiqlar, topishmoqlar yig‘ilganlarda katta taassurot qoldirdi.
